LAOAG CITY – Naburak ti maysa a lalaki manipod iti Kentucky ti Guinness World Record kalpasan a na-assemble na ti Mr. Potato Head a naka-blindfold iti uneg laeng ti 7.92 seconds.
Nagun-od ni Conor Shea ti rekord para iti “fastest time to assemble Mr. Potato Head (blindfolded)”.
Ti nasao a record ket sigud nga iggem ni German serial record-breaker Andre Ortolf, a nagpaot ti 12.11 seconds.
Inbatad ni Shea a ti record attempt na ket gagem na nga iyam-ammo ti Usher Syndrome, maysa a genetic disorder a mangitunda ti pannakapukaw ti panagdengngeg ken uray ti possible a panagbulsek.
Inbatad pay ni Shea iti Guinness World Records a kayat na a paneknekan a dagiti tattao nga addaan ti nasao a sakit ket kabaelan da latta a gun-oden dagiti nakakaskasdaaw a banag.
