LAOAG CITY – Manamnama a mapilaan ti kaso a frustrated murder, grave threat ken alarm and scandal ti maysa nga abugado gapu iti panangpaltogna iti maysa a residente iti Barangay 13, Magat-Salamat ditoy siudad ti Laoag.
Segun ken ni P/Capt. Rudy James Jacalne, Deputy Chief of Police ti Laoag City Police Station, basar iti inisyal nga imbestigasionda ket rumrummuar nga adda ti saan a nagkinnaawatan ti biktima ken suspek a nangitunda ti napasamak a pammaltog.
Inbatadna a napan laeng naganawa ti biktima kadagiti grupo ti suspek ngem maipagarup a pinaltogan ti suspek iti bukut ti biktima.
Inlawlawagna a nagpaputok pay ti suspek ti sumagmamano a daras.
Mainaig iti daytoy, inpakaammo ni P/Capt. Jacalne a nakarekobre dagiti otoridad ti uppat a kapsula ti 9mm pistol ken maysa a kapsula ti calibre 9mm iti nakapasamakan ti insidente.
Maipalagip a mapan koma gumatang ti arak ti biktima a ni Edmund Pasion ngem pinaltogan daytoy ti suspek.
