LAOAG CITY – Kinumpirmaran ti Department of Justice (DOJ) a napilaanen ti agsusukot a kaso ti negosyante ga ni Atong Ang ken dagiti kakadwa na gapu iti pannakairaman da kadagiti mapukpukaw a mammallot.
Inbatad ni DOJ Secretary Crispin Remulla a mismo a dagiti kabagyan dagiti mapukpukaw a mammallot ti nagpila ti kaso a multiple murder ken serious illegal detention.
Karaman a nakasoan ti aktres a ni Gretchen Barretto ken dadduma pay.
Innayon ti sekretaryo a nalawag nga adda ti kangrunaan a nakaimatang ken testigo a makapaneknek a karaman ni Ang iti kaso.
Dinayaw met ni Remulla ti whistlelower a ni Julie “Dondon” Patidongan gapu iti kinaturedna a nangibutaktak kadagiti adda iti likudan dagiti mapukpukaw a mammallot.
Ibilang ni Remulla ni Ang kas “main player” iti kaso kangrunaan na ket isuna ti amo ni Patidongan.
Inpasigurado ni Remulla nga adda ti patas a panangdengngeg iti kaso tapno maaddaan ti usto a pannakasolbar iti kaso.
