LAOAG CITY – Inbatad ni President Ferdinand ”Bongbong” Marcos Jr. a ti nagbalin a desisyon ti Korte Suprema a nangideklarar a ti articles of impeachment kontra ken ni Vice President Sara Duterte ket unconstitutional ket awan ti pakainaigan iti merito ti kaso.
Inpetteng ni Presidente Marcos a ti nagbalin nga addang ti High Tribunal ket naibasar iti procedural question, imbes a ti merito ti kaso.
Inlawlawag ti presidente a ti desisyon ti korte ket awan ti pakainaigan iti pakainaigan iti usto wenno saan ti merito ti impeachment case, ken saan nga ibagbaga ti kangatoan a korte nga awan ti saan nga usto nga aramid.
Mainaig iti daytoy, nagtalinaed ti takder ni Presidente Marcos nga awan ti akemna iti impeachment process kontra iti bise presidente a running mate na idi 2022 national elections.
Inpalgak na ng uray isuna ket impeachable official ken saanna pulos nga iraman ti bagina iti nasao nga isyu.
Innayon na a ti laeng Korte Suprema, Senado ken ti kamara de representantes ti makaammo a mangtratar ken agdesisyon iti daytoy a banag.
Maipalagip nga idi miyerkules, Agosto 6 ket nagbotos ti senado pabor iti pannakai-archive ti articles of impeachment kontra ken ni Vice Presidente Duterte, kalpasan nga indeklarar ti Korte Suprema a ti impeachment case ket unconstitutional.
