LAOAG CITY – Nangipeksa ti panagdanag ti United Nations iti plano ti Israel a naan-anayen a sakupenna ti Gaza.
Inbatad ni United Nations Secretary General Antonio Guterres a ti nasao a plano ket ad-adda a pakaisagmakan laeng dagiti nabatbati pay nga hostage.
Naammoan nga agingga iti agdama ket makapaspasar ti nakaro a panagbisin ken panagbuteng dagiti Palestino nga agnanaed idiay Gaza.
Ginutigotna ti Israel a sumurot laengen no ania ti maipatpatungpal iti international law.
Gapu iti daytoy, mangiwayat ti emergency meeting ti United Nations iti nasao a banag.
Immunan nga inrakurak ti rebelde a grupo nga Hamas a narisgo ti plano a mangipaneknek ti panangisakripisioda iti biag dagiti hostage.
Inlawlawag met ni Israeli Prime Minister Benjamin Netanyahu a saanda a sakupen ti Gaza no diket ipaimadan iti Arab nations.
