LAOAG CITY – Binigbig ni Israeli Prime Minister Benjamin Netanyahu ti ibilang na a banwar a binagkong ti pada na metlaeng a piloto iti Israel-bound Flydubai flight.
Inbatad ni Netanyahu a ni Captain Smit Machchhar, maysa nga Indian national, ket nangipakita ti naiduduma a kinatured babaen ti pannakilaban na tapno maliklikan ti nakarkaro a mapasamak kabayatan ti panagbiyahe da.
Ti eroplano nga addaan ti 174 a pasahero ket agdaldalyasat manipod Dubai ken agturong iti Tel Aviv idi napasamak iti insidente.
Gapu iti napasamak ket napilitan a nag-emergency landing ti eroplano iti Saudi Arabia.
Inpakaammo ni Netanyahu a naarestar ti piloto a nangbagkong iti pada na a piloto ken manarimaan ti panangimbestigar dagiti otoridad idiay Saudi Arabia.
Ibilang met ni Israeli Prime Minister Netanayahu a maysa a gandat a terrorist attack iti pagilian da ken iti United Arab Emirates ti napasamak.
