LAOAG CITY – Mamati ni Bicol Saro Partylist Rep. Terry Ridon a posible a mangipila manen ti Kamara ti impeachment complaint kontra ken ni Vice President Sara Duterte inton Pebrero 2026.
Inbatad ni Ridon a daytoy ket no bilang ikalintegan ti Korte Suprema iti immuna daytoy a desision iti panangideklar ti Articles of Impeachment kontra ken ni Vice President Sara a maikanniwas iti Konstitusion.
Inppetteng ni Ridon a masapul a sungbatan ti Bise Presidente dagiti alegasion kontra kenkuana a naipalaon iti sangsangoenna nga impeachment complaint kas ti isyu iti saan nga husto a panangusar ti 612.5 million pesos a confidential funds ken panangpangta kadagiti nangangato nga opisial ti pagilian.
Dinakamat ni Ridon nga iti agdama ket iyur-uray ti Kamara ti agbalin a desision ti Korte Suprema iti motion for reconsideration nga inpilada.
Mangnamnama ni Ridon nga insigida nga agtungpal ti Senado ken maminsan manen a biagen ti naka-archive nga impeachment case kontra iti Bise Presidente no bilang baliktaden ti Korte Suprema iti immuna daytoy a desision.
