LAOAG CITY – Kinettel ti maysa a senior citizen ti bukudna a biag iti ili ti Dingras.
Basar iti Dingras Municipal Police Station, agarup alas otso ti bigat, nakita ti karruba ti biktima a nakabitinen daytoy usar ti tali a nylon nga agatiddog ti maysa a metro.
Gapu iti daytoy, insigida nga inpakaammo ti nasao a karruba iti kaanakan ti biktima ti insidente.
Segun iti anak ti biktima, nagimbagen ti sagsagabaen nga skin disease ti amana ngem diabetic daytoy.
Naammoan a kalikagum ti biktima a matayen gapu iti sakitna kas maibasar iti maysa kadagiti konsehal.
Kabayatanna, indeklarar ti attending physician a pimmusay ti biktima gapu iti asphyxia secondary to strangulation.
