LAOAG CITY – Inbatad ni Senate Majority Leader Joel Villanueva nga awan dagiti senador a konektado kadagiti 15 a contractor ti kaadoan a flood control projects nga innaganan ni President Ferdinand ”Bongbong” Marcos Jr.
Iti pannakasaludsud ken ni Villanueva no adda dagiti kameng ti kamara de representantes a kanektado kadagiti maseknan a contractor ket insungbat na a mangipaay laengen ti listaan ken dagiti dokumento imbes nga agsarita.
Immuna iti daytoy, inrakurak ni Presidente Marcos a 20 a porsiento manipod iti P545 billion a pondo para iti flood control projects ket naipaay laeng iti 15 a contractors.
Kuna pay ti presidente a lima manipod iti 15 a kontrata ket addaan ti proyekto iti arigna amin a rehiyon iti intero a pagilian.
Mainaig iti daytoy, inbatad ni Senador Villanueva a makaammo ni Presidente Marcos nga agdesisyon no rebbeng a bumaba iti pwesto ni Department of Public Works and Highways (DPWH) Secretary Manuel Bonoan kabayatan ti imbestigasyon dagiti palpak a flood control projects.
