LAOAG CITY – Ginutigot ti Department of Public Works and Highways dagiti Local Government Units nga idanon iit Korte Suprema no kontra dagitoy kadagiti flood control projects-da.
Daytoy ket kagiddan ti nagbalin a rakurak ni Manila City Mayor Isko Moreno a ti pumping station nga inaramid ti Department of Public Works and Highways ket saan a dimmalan iti konsultasion iti lokal a gobierno.
Inbatad ni Department of Public Works and Highways Secretary Manuel Bonoan a dagiti proyektoda ket pinundoan ti national government ken daytoy ket naipalaon iti General Appropiration Act.
Inpettengna a no bilang saan a maiyannatop wenno saanda a nagustoan dagiti proyekto ti Department of Public Works and Highways ket mabalinda nga idanon iti Korte Suprema.
Inlawlawagna a kitaenda pay laeng nga umuna ti reklamo ni Moreno mainaig iti pumping stations no sadinno rumrummuar nga ur-unosen laeng ti Department of Public Works and Highways dagiti daan a pumping stations.
