LAOAG CITY – Kinontra ti kabsat a babai ti lider ti North Korea a ni Kim Jong Un ti rakurak ti South Korea nga inikkat ti Pyongyang ti sumagmamano kadagiti propaganda-blasting loudspeaker-na iti border da.
Inpetteng ni Kim Yo Jong a saan a pulos nga inikkat ti North Korea dagiti inkabil da nga speakers iti border da ti South Korea.
Inpalgak na pay nga awan ti plano ti komunista a pagilian a padur-asen ken urnusen ti relasyon da iti South Korea.
Inrakurak daytoy ni Kim Yo Jung kalpasan nga inwaragawag ti militar ti South Korea nga iti napalabas a lawas ket rinugyanen nga inikkat ti North Korea ti sumagmamano kadagiti loudspeaker-na iti border da.
Rumrumuar nga inaramid daytoy ti North Korea, sumagmamano nga aldaw kalpasan a rinebba ti South Korea ti sumagmamano nga speaker da.
