LAOAG CITY – Inpakaamo ni Atty. Charito Malicad, mangidadaulo ti City Tourism Office ditoy ciudad ti Laoag nga adda dagiti dadakkel a tourism infrastructure project a manamnama a maaramid para iti suidad.
Segun kenkuana, kitkitaen da a nasayaat daytoy no kasano iti pannakaaramidna babaen iti suporta ni Mayor James Bryan Alcid.
Kunana a babaen iti agdama nga administrasyon ket manamnama nga agballigi daytoy a proyekto tapno ad-adda pay a maalukoy dagiti turista nga agturong ditoy suidad.
Mainaig iti daytoy, kuna ni Atty. Malicad a ti kangrunaan nga ar-aramiden ti opisinada ket ti pannakaitandudo dagiti tourism destination.
Inbatadna nga umununa nga adda iti naaramid a tourism development plan nga isu iti plasplastren da iti agdama para iti pannakaipatungpal na. Innayonna a ti kasapolan met panagtitinulong tapno maubra dagitoy tapno adda pay a dumur-as ditoy suidad a pakabrnipiaran dagiti umili.
