LAOAG CITY – Inaprubaranen ti Senate Subcommittee on Finance ti lungalong a P27.3 billion a pondo ti Office of the President para iti tawen 2026.
Simmango iti komite ni Executive Secretary Lucas Bersamin tapno ipresentar ti lungalong a pondo ti opisina ti presidente para iti sumaruno a tawen.
Saan met a nagpaot ti panangtratar ti komite iti pondo ti Office of the President gapo iti nakaugalyanen nga interbranch courtesy.
Karaman pay iti naapribaran a pondo ket iti Presidential Management Staff nga agbalor ti P882.573 million.
Immapela met ni Senador Erwin Tulfo a nayunan ti pondo ti Office of the President para iti cybersecurity kas panagsagana ken iti seguridad iti maiyuswat nga ASEAN summit 2026 ditoy Pilipinas.
