LAOAG CITY – Nangipatungpal ti House of Representatives ti work-from-home (WFH) arrangement para kadagiti opisial ken empleado gapu iti dakes a panawen, malaksid laeng kadagiti agkasapulan ti physically present para iti napateg ken kritikal nga operasion.
Basar iti advisory nga inparuk-at idi kalman, Agosto 17 ni House Secretary General Atty. Cheloy Garafil maiyataday iti bilin ni House Speaker Fautino “Bojie” Dy III ken iti Memorandum Circular No. 128 nga inparuk-at ti Office of the President.
Mainaig iti daytoy, agtuloy latta ti plenary session ti Kamara inton malem ngem babaen ti Zoom meeting.
Kabayatanna, maisayangkat iti online via Zoom dagiti naikeddeng a committee hearings basar iti decision dagiti chairperson daytoy.
Maipalagip a nangrugi idi kalman, Agosto 17 ti budget hearing ti House Committee on Appropriations ket maituloy inton Lunes, August 24.
