LAOAG CITY – Nagballigi dagiti otoridad a nangtiliw iti maysa a carwash boy iti naisayangkat nga anti-illegal drug buy-bust operation iti ili ti Solsona.
Segun ken ni Police Capt. Randy Damo, ti chief of police iti ili ti Solsona, ti suspek ket agtawen ti 38, naasawaan, taga San Fernando, Pampanga ngem agdama nga agnanaed iti Barangay Juan ti nasao nga ili.
Inbatad na a kinemmeg a dagus dagiti operatiba ti suspek kalpasan a naglako ti naglako ti maysa a sachet a maatap a naglaon ti maipagarop a shabu.
Iti panangkapkap da iti suspek ket nakakumpiskar da pay ti tallo a sachet a naglaon metlang ti maipagarop a shabu ken ti sangaribo a pisos a nausar iti operasyon.
Inpakaammo ni Damo a mapatta-patta nga agbalor ti nasurok a 10 ribo a pisos ti balor dagiti nakumpiskar a maatap nga illegal a droga manipod iti suspek.
Innayon ni Damo a ti nasao a suspek ket innaganan dagiti immuna a natiliw gapu iti illegal a droga iti ili ti Solsona
Iti agdama, nagtalinaed ti suspek iti Philippine National Police iti ili ti Solsona ken maisagsaganan ti mapila a reklamo mainaig iti panaglabsing ti Republic Act 9165 wenno Comprehensive Dangerous Drugs Act of 2022.
