LAOAG CITY – Nagtalinaed a natalged ti sitwasyon dagiti kameng ti Armed Forces of the Philippines a nakabase iti BRP Sierra Madre.
Daytoy ti inbatad ni Major General Ivan Parera, ti chief ti Armed Forces of the Philippines (AFP) Systems Engineering and Modernization Office.
Kuna na nga agtultuloy met ti resupply mission dagiti kameng ti armada iti BRP Sierra Madre.
Inpakaammo na nga awan metten dagiti makitkita a barko ti China nga agwanwanawan iti nadakamat a lugar.
Innayon ni Parera nga awan ti pagdanagan iti seguridad dagiti maseknan a kameng ti Armed Forces of the Philippines gapu ta napili dagitoy a naideploy iti lugar agsipud da dimmalan da ti naiget a panagsanay.
