LAOAG CITY – Inbatad ni Dr. Rodrigo Catcatan, ti mangidadaulo ti City Health Office nga awanen iti kaso ti leptospirosis ditoy ciudad ti Laoag.
Segun kenkuana, saanen a nanayunan pay dagiti 2 a kaso a nairekord iti opisina da iti kallabes.
Inbatad na a dagiti nakaptan ti leptospiros iti kallabes ket nakarekobre da aminen ken awan ti nagbalin a casualty.
Nupay kasta, kuna ni Dr. Catcatan a dagiti agkasapolan ti agas kontra iti leptospiros ket adda iti avaible iti opisina da ken inpasigurado na a libre dagitoy.
Kabayatanna, agtultuloy ti panagpalagip ni Doctor Catcatan iti publiko a saan laeng nga iti panagtutudo a makaala ti leptospiros no diket mabalin pay dagiti naurnong a danom dagiti balde a mabalin a kontaminado ti isbo ti bao a mangitunda iti nasao a sakit.
