LAOAG CITY – Naipasa ti maikadua ken maudi a pannakaibasana iti Draft Provincial Resolution No. 2025-09-045.
Daytoy ket maysa a resolusyon a mangkidkidaw iti pannakaaprobar ti Petition for Accreditation of different
community based groups Non-Government Organizations (NGOs)/Peoples’ Organizations (POs) ditoy probinsia.
Segun kenni Sang. Panlalawigan Member Marlon Sales, napintas daytoy nga addang gapu ta dagiti nagduduma a grupo nga NGOs wenno Peoples Organization ket dakkel ti maitulongna para iti ad-adda a napinpintas a pannakaiyimplementar dagiti programa, proyekto ken aktibidad .
Inlawlawagna a babaen iti daytoy ket maipaayan ti accreditation kasta met iti pondo para iti pannakaipatungpal dagiti iyuswatda a programa ditoy probinsia.
Kabayatanna, sangsangkamaysa nga inaprobaran daytoy ti Sang. Panlalawigan babaen iti 11 butos kabayatan ti regular session iti hunta probinsial.
