LAOAG CITY – Inpasigurado ni House Speaker “Bojie” Dy III a nakapokus ita ti Kamara a maipasa iti naikeddeng nga oras ti gakat para iti 2026 national budget.
Inpasingked ni Speaker Dy nga iti babaen ti panangidaulona, siguradoen ti Kamara a ti national spending plan para inton sumaruno a tawen ket agbalin a nadalus ken transparent.
Kumpiansa ni Dy nga “on time” a maipasa ti nailungalong a nailian a pundo.
Ipabus-oy metten ti Kamara iti Department of Public Works and Highways a mangirekomendar ti flood control projects a mairaman iti 2026 budget.
Inlawlawag ni Dy nga inikkaten ti dakkel a pundo para kadagiti flood control projects.
Innayonna a saanna nga ipalubos nga agbalin a kontrobersial ti 2026 national budget.
