LAOAG CITY – Nakaawat ti sumurok-kumurang 400 a residente nga agtawen ti 80 ken agpangato ti cash incentives babaen ti Milestone Awards program.
Segun ken ni Mrs. Perlita Cabello, mangidadaulo ti City Social Welfare and Development Office, malaksid kadakuada ket karaman pay a naipaayan ti tulong pinansial dagiti pamilia a naapektaran ti alipogpog iti Barangay Caaoacan ken Balacad iti kallabes.
Inbatadna nga adda pay dagiti nagdumaduma pay a tulong babaen ti Assistance to Individuals in Crisis Situation program.
Inlawlawagna a kalikagum ti lokal a gobierno a tunggal residente ditoy siudad ket marikna ken masagrapda dagiti tulong nga aggapu iti gobierno.
