LAOAG CITY – Inbilin ni Presidente Ferdinand “Bongbong” Marcos Jr. ti pannakaiyakar ti P255.5 bilyon a pundo a para koma iti flood control projects ti Department of Public Works and Highways (DPWH) a maikabil iti priority programs kadagiti dadduma pay nga ahensia ti gobierno.
Immunan nga inbilin ti Presidente ti panangarisit iti proposed 2026 budget ti Department of Public Works and Highways kagiddan ti corruption scandal iti maipagarup a panangawat ti kickback dagiti agpanpanday linteg, opisial ti ahensia ken dagiti kontratista iti flood control projects.
Saan a nagbayag ket inpasa ti Department of Public Works and Highways ti nababbaba a 2026 proposed budget a P625 bilyon, nakissayan ti P255 bilyon manipud iti orihinal a P881 bilyon a nailungalong a pundo.
Inbatad ni Marcos a ti naiyakar a pundo ti Department of Public Works and Highways para iti flood control projects ket maiturong kadagiti programa a makaipaay ti tulong ken benepisio iti publiko.
Iti rakurak ti Presidential Communications Office (PCO), karaman iti budget reallocation ket dagiti sumaganad:
P36 billion iti Department of Social Welfare and Development (DSWD) para iti Pantawid Pamilyang Pilipino Program (4Ps), Assistance for Individuals in Crisis (AICS), Payapa at Masaganang Pamayanan (PAMANA) Program ken Sustainable Livelihood Program (SLP);
P26.55 billion iti Department of Education (DepEd) para iti konstruksyon ken rehabilitasyon dagiti classroom, school-based feeding programs, education of indigenous peoples, Academic Recovery and Accessible Learning (ARAL) program, sueldo ti non-DepEd ARAL tutors, flexible learning options, Madrasah Education ken Special Needs Education Program;
P39.37 billion iti Department of Agriculture (DA) para iti post-harvest facilities, tulong kadagiti mangngalap ken mannalon, crop insurance, deep water porters, fishport construction ken dadduma pay;
P29.28 billion iti Department of Health (DOH) para iti Medical Assistance to Indigent and Financially Incapacitated Patients program, legacy hospitals and children with cancer ken the Philippine Children’s Medical Center;
P60 billion iti Philippine Health Insurance Corp. (PhilHealth) para iti Yaman ng Kalusugan Program (YAKAP), Bagong Urgent Care and Ambulatory Services (BUCAS) Centers, Guaranteed and Accessible Medications for Outpatient Treatment;
P9.3 billion iti Commission on Higher Education (CHED);
P1 billion iti Technical Education and Skills Development Authority (TESDA;
P450 million para iti Philippine Science High School System;
P1 billion iti Department of Transportation (DOTr) iti rehabilitasyon ti Metro Rail Transit (MRT);
P18 billion iti Department of Labor and Employment (DOLE) para iti Tulong Panghanapbuhay sa Ating Disadvantaged/Displaced Workers (TUPAD) program at Integrated Livelihood and Emergency Employment Program ken P600 million iti Department of Agrarian Reform (DAR) para sa Beneficiaries’ Development and Sustainability Program and Land Tenure Security Program.
