LAOAG CITY – Kinanselar ti sumagmamano nga Airlines ti flights da iti Laoag International Airport gapu iti bagyo Paolo.
Daytoy ti inpakaammo ni Police Col. Renante Baltazar, ti mangidadaulo iti Philippine National Police-Aviation Security Group iti rehiyon Uno.
Inbatad na a dagiti flights ti Philippine Airlines intono bigat, Oktubre 3 ket nakanselar gapu iti dakes a sasaaden ti panawen.
Agpapan maisursurat daytoy a damag ket awan met pay ti inparuk-at a pakaammo ti Cebu Pacific no agkanselar da met ti flights da wenno saan.
Kabayatanna, inpasigurado ni Baltazar ti agtultuloy a naiget a panagmonitor da kadagiti erupuerto iti intero a rehiyon Uno.
