LAOAG CITY – Umabot iti 20 nga aso ken pusa ti nakapon ditoy ciudad ti Laoag kagiddan ti selebrasyon ti World Rabies day.
Daytoy ti inbatad ni Dr. Samantha Licodine, ti City Veterinarian ditoy ciudad ti Laoag.
Kuna ni Licodine a napateg ti panagkapon dagiti taraken nga aso ken pusa tapno maiyadayo dagitoy iti peggad a maaddaan ti sakit kas iti transmissible venereal tumor a maiyakar babaen ti sexual contact ken ti pyometra nga impeksyon iti matres.
Innayon na a maliklikan met dagiti taraken a lallaki a maaddaan ti testicular cancer, tumor wenno frustrate cancer no makapon dagitoy.
Kabayatanna, inpakaammo ni Dr. Licodine a mabalin met a makaala dagiti taraken a babbai ti breast cancer, uterine infection ken cancer, ken ti ovarian cancer no saan da a makapon.
Gapu iti daytoy, gutgutiguten ni Licudine dagiti pet owners nga ipakapon dagiti taraken da.
