LAOAG CITY – Addan ti nasurok a 50 a porsiento ti naibunong a plaka kadagiti motorista ditoy ciudad ti Laoag.
Daytoy ti inbatad ni Miss Susan Gagarin, ti mangidadaulo iti Land Transportation Office ditoy ciudad.
Segun keni Gagarin, iti agdama ket umaboten iti nasurok a 50 ribo a plaka dagiti lugan ti naibunongen ti Land Transportation Office.
Kuna pay ni Gagarin a nakikoordinar da iti Philippine National Police, lokal a gobierno ken dagiti nagduduma a barangay ditoy ciudad tapno al-alisto ti pannakaibunong dagiti plaka.
Inpakaammo na nga adda ti pammilin kadakuada t Higher Office da a masapol a maibunong da amin a plaka dagiti lugan agingga iti katapusan ita a bolan ti Oktubre.
Innayon na a manamnama nga addanto ti maangay a seminar tapno mailawlawag iti publiko kangrunaan na dagiti motorista ti maipapan ti “No Plate, No Travel Policy”.
