LAOAG CITY – Naruay nga aktibidad dagiti maiyuswat para ti pannakaselebrar ti maika-36 a National Statistic Month.
Segun kenni Renz Sanchez, officer in charge ti Philippine Statistics Authority – Ilocos Norte, ti Philippine Statistic Committee ti nangisagana iti daytoy nga idauloan ti Ilocos Norte.
Inlawlawag ni Sanchez a ti Philippine Statistic Committee ket bukbuklen dagiti provincial agency.
Kunana nga adda dagiti kompetisyon a maisayangkat iti nagduduma nga aldaw kas iti Stat show, Stat quiz, writing, oratorical ken dadduma pay.
Innayonna a dagiti agpartisipar ket dagiti secondary students, tertiary ken adda pay dagiti empleado para ti essay writing.
