LAOAG CITY – Pinalagipan ni Vice Mayor/Presiding Officer Rey Carlos Fariñas ti konseho ditoy cuidad ti Laoag iti pannakarebisar dagiti sumagmamano a list of codes iti lokal a gobierno.
Segun ken Farinas, adda iti 17 a codes a masapol a kada lima a tawen ket mairenew wenno marebisar.
Kunana a dagitoy codes ket pakairamanan ti transportation, Health and public sanitation, Market and slaughter house, Agriculture, Ways and Means, Investment and Incentive code, DPS code, Comprehensive Code , Traffic ken Tourism Code .
Inbatad na a masapol a mangaramid dagitoy ti timeline iti pannakairenew wenno pakannarebisar na tapno malpas a dagus.
Kabayatanna, inpakaamo na nga iti SM City ditoy ciudad ket saanna a nagundawayan ti investment code gapu ta saan met pay a nai-renew daytoy.
Innayon na a napateg ti pannakarebisar wenno pannakairenew dagitoy tapno ad-ado dagiti investors a maallukoy nga agpuunan ditoy ciudad ti Laoag.
