LAOAG CITY – Kalikagum ti lokal a gobierno iti ili ti Sarrat nga ad-adda pay a mapapintas ti digitalization iti nasao nga ili.
Segun ken ni Vice Mayor Remigio Medrano, basar iti pannakisarsaritana iti Local Chief Executive ket daytoy ti maysa kadagiti gagemna a maipangpangruna.
Inbatadna a babaen iti digitalization ket al-alisto ti pannakaipaay ti nagduduma a serbisio a maipadanon kadagiti umili.
Kunana a manamnama a maipatungpal iti mabiit ti nasao a programa ti lokal a gobierno kas kalikagum met ti gobierno nasional.
Innayonna a saan a napintas no agtalinaed nga agnanayon ti daan a wagas iti pannakaipaay ti serbisio nangruna ket addan dagiti nagduduma a moderno a teknolohia a mausar para iti panagtrabaho.
