LAOAG CITY – Inpasigurado ti officer-in-charge ti Department of Justice a ni Fredderick Vida nga itultuloy na a tutukan dagiti nagduduma nga isyu ken kaso nga ig-iggaman ti ahensya kas ti ‘missing sabungeros’, ken kangrunaan na ti flood control projects anomaly.
Iti panagtultuloy ti imbestigasyon ti Department of Justice mainaig ti flood control projects anomaly, inkari na a saanna nga iwalin imbes ket ad-adda pay nga ikkan na ti atensyon.
Kabayatanna, nagpanawagan ni Vida iti publiko a saan a pukawen ti panagtalek iti gobierno iti baet ti isyi ti korapsyon.
Inkari na nga aramiden da amin a kabaelan da tapno mapagsungbat dagiti karaman iti isyu ken namnamaen a makaipila da ti kaso iti kabiitan a panawen.
