LAOAG CITY – Inrakurak ti baro a nadutokan nga officer-in-charge ti Department of Justice a ni Fredderick Vida nga agtultuloy latta ti imbestigasion mainaig iti flood control projects anomaly.
Iti agdama ket adda ti pito nga indibidual ti maibilang a ‘protected witnesses’ nga adda iti provisional status para iti ‘case buildup’ ti ahensia.
Karaman ditoy ti agasawa a Curlee ken Sarah Discaya a namin-adu a darasen nga agsubli-subli para iti panangipaayda kadagiti impormasion nga ammoda.
Nupay kasta, kuna ni Justice Officer-in-charge Vida, saan a naragsak ti ahensia mainaig kadagiti makalkalapda nga impormasion manipud kadagiti Discaya.
Inpettengna a saan pay a mapnek daytoy kadagiti ibagbaga ti agasawa iti kumarkaro nga isyu ti korapsion.
Naglikudanna met a nag-tell all wenno inbutaktak aminen ti agasawa a Discaya dagiti amin nga ammoda.
Kunana a saanda a mangipaay kadagiti inbagbaga ti agasawa a Discaya iti panagturongda iti Department of Justice.
Inlawlawagna nga agtultuloy ti panangtingitingda kadagitoy kagiddan ti maiwaywayat a case buildup kontra kadagiti karaman nga indibidual.
Iti baet daytoy, inpakaammo ni Justice Officer-in-charge Vida dagiti responsibilidad ti mapili nga state witness para kadagiti kaso a maipila.
