LAOAG CITY – Nangrugin iti Search for a Clean and Green Barangay ditoy ciudad ti Laoag.
Daytoy ti inpakaamo ni Mrs. Vilma Rances, ti mangidadaulo iti Community Affairs Office ditoy ciudad.
Segun kenni Rance, iti laeng napalabas lawas a nangrugi daytoy gapo kadagiti naglabas a bagyo a dimmuprak ditoy probinsia.
Inbatadna nga arigna marigatan dagitoy nga ag-evaluate gapo ta makitana a sinagaanan amin a barangay daytoy ken awan ti kayatna nga agpaatiw.
Inlawlawagna a ti kangrunaan nga inaramid da ket nagbibinunot dagiti kapitan no siasinno ti ummuna a ma-evaluate.
Mainaig iti daytoy, kuna ni Rances napintas ti koordinasion dagiti opisial ti barangay gapu ta naurnos pay dagiti papeles dagitoy ken dadduma pay.
Kabayatanna, daytoy nga aktibidad ket tapno mapagtalinaed ti kinadalos, kinaurnos ken kinapintas saan laeng nga iti ruar iti barangay no diket kangrunanan iti uneg daytoy.
