LAOAG CITY – Marigatan pay laeng iti Provincial Sports Development Office a mangsanay kadagiti ubing nga atleta iti pole vault.
Daytoy ti inbatad ni Ms. Helen Rose Domingo, ti Sports Development Officer iti provinsia.
Kunana nga adda dagiti agen-ensayo ngem arig na agkarkarawa pay laeng dagitoy gapu ta agdadamo da.
Innayon ni Domingo a para beginner pay ti pole vault equipment rason a saan dagitoy makadayo mainaig iti panagsanay.
Nupay kasta, mangnamnama ni Domingo a kalpasan ti Batang Pinoy ket matutukan da dagiti atleta nga agkalikagum a makasurusro iti pole vault babaen iti tulong dagiti trainers.
