LAOAG CITY – Nangrugin nga umado dagiti pasahero iti maysa a bus terminal ditoy ciudad ti Laoag.
Segun ken ni Mr. Marlon Sabado, Dispatcher iti Florida Bus Company, kaadoan kadagiti pasahero da ket dagiti estudyante nga agad-adal ditoy ciudad ti probinsya ken mapan da agbakasyon iti bukod da a lugar, aglalo idiay Cagayan para iti Undas.
Inpasigurado ni Sabado a mailugan da amin dagiti pasahero da gapu ta adda met dagiti extra a bus da a nakasagana da nga usaren no kasapulan.
Innayon na a namnamaen da nga ad-adda pay nga umado dagiti pasahero da kadagiti sumarsaruno nga aldaw sakbay ken kalpasan ti Undas a panagsubli manen ti klase wenno trabaho.
Mainaig iti daytoy, inpasingked met ni Sabado nga awan ti nagbaliwan ti plete dagiti pasahero.
