LOAG CITY – Nagduduma ti reaksyon dagiti tattao kalpasan ti panangibilin ni King Charles a maikkat ti titulo ken mapapanaw iti mansion ti kabsat na a ni Prince Andrew.
Daytoy ket kalpasan ti maipagarop a pannakinaig na iti maysa a babai iti namitlo a daras idi agtutubo pay laeng daytoy.
Segun iti Buckingham Palace, mapan ni Andrew iti royal estate iti Sandringham, Norfolk ken maawagan laengen isuna kas Andrew Mountbatten Windsor.
Inbatad met ti Leader ti Opposition Kemi Badenoch a narigat met para iti ari ti panangikkat na ti titulo iti mismo a kabsat na.
Kuna met ni Ed Davey, ti lider ti Liberal Democratsa rumbeng laeng ti inaramid ni King Charles gapo ta daytoy ket napateg a wagas tapno maala ti talek iti institusyon.
Ummunan nga inakusaran isuna ni Virginia Giuffre a naming-ado a daras nga inabuso ni Andrew ngem naiget a naglikudan na daytoy.
