LAOAG CITY – Inpasigurado ni President Donald Trump a natalged ni King Charles III ken ni Queen Camilla kabayatan ti state visit da idiay Estados Unidos.
Daytoy ket kalpasan ti napasamak a pammaltog iti White House Correspondents’ Dinner, a dagus met a nakatiliwan ti suspek a ni Cole Tomas Allen, agtawen ti 31 ken taga California.
Immunan nga inrakurak ni UK’s ambassador to the US, Sir Christian Turner, a ti ibibisita da King Charles ken Queen Camilla ket tapno ipabaro ken mapadur-as pay ti naidumduma a panagpagayam ti dua a pagilian.
Inpakaammo met ni Prime Minister Sir Keir Starmer nga indanun a dagus da King Charles ken Queen Camilla ti pannakisipatiya da ken ni Presidente Trump kalpasan ti napasamak a pammaltog.
