LAOAG CITY – Saan nga inawat ti Ilocos Norte Electric Cooperative ti ididiaya ti Aboitiz nga isuda ti mangoperar iti nasao a kooperatiba.
Daytoy ti inbatad ni Mr. Perry. Martinez, ti Assistant General Manager iti Ilocos Norte Electric Cooperative.
Kuna a malaksid iti Aboitiz ket adda pay dagiti dadduma a kompanya nga interesado a mangoperar ti Ilocos Norte Electric Cooperative gapu ta makita dan a napintas ti panagoperar na.
Inlawlawag na a ti nasao a kompanya ket pagayam ti Ilocos Norte Electric Cooperative ken nababa laeng ti presyo ti ipapaay da a kuryente iti kooperatiba.
Nupay kasta, inpasingked ni Martinez nga awan ti plano da a mangawat iti diaya kadakuada ti nasao a kompanya.
