LAOAG CITY – Manamnama ti panangiyuswat ti Department of Public Works and Highways (DPWH) ti nalawa a panagdalos kadagiti waterways sa National Capital Region (NCR) iti sumaruno a lawas.
Maiyuswat ti massive waterways clean up intono Nobyembre 12 tapno makissayan ti panaglayos iti Metro Manila.
Iti pannakitaripnong ni DPWH Secretary Vince Dizon iti Metro Manila Council (MMC), kunana a mangilatang da ti P2.14 bilyon manipud iti saan pay a nagaraw a pondo para iti nasao nga aktibidad.
Segun kenni Dizon, maisayangkat ti inisyatiba iti pannakibinnulig da iti Metropolitan Manila Development Authority (MMDA), local government units, ken dagiti pribado a kumpanya a nagkari a mangipaay ti suporta ken kadagiti heavy equipment.
Inbatad na pay a saanen a baro daytoy gapo ta nabayagen nga ar-aramiden dagiti lokal a gobierno ken MMDA ngem kalikagom ti presidente a full force ti national
government.
Kunana pay nga amin a lugar a madeterminar da ket isu t madalusan.
Innayon na a target ti panagdalos da ti pannakaikkat iti agingga uppat a milyon a cubic meters ti basura kadagiti dalanan ti danom.
