LAOAG CITY – Bimmaba ti bilang dagiti Pilipino nga awan ti trabahona idi bulan ti Setyembre, basar iti kaudian a record ti Philippine Statistics Authority (PSA).
Basar iti Labor Force Survey ti ahensia, umabot iti 1.96 a milyon ti awanan ti trabahona, nababbaba ngem iti 2.03 a milyon a nairekord idi Agosto.
Daytoy ket ti 3.8 percent nga unemployment rate ken nababbaba no ikumpara iti 3.9 percent idi napalabas a bulan.
Naamoan a nangatngato daytoy ngem iti 1.89 milyon wenno 3.7 percent idi bulan ti Setiembre iti napalabas a tawen.
