LAOAG CITY – Inrekomendar ti Independent Commission for Infrastructure (ICI) ti pannakaipila ti kaso kriminal ken administratibo kontra Ken kadagiti dati nga opisyal ti Department of Public Works and Highways (DPWH) officials, pakairamanan ni dati a secretary Manuel Bonoan, gapu iti anomalya ti P95 million flood control project idiay Bocaue, Bulacan.
Ti kangrunaan a dakdakamaten ni ICI Chaiperson Andres Reyes, Jr. Ket ti slope protection structure ken waterways iti Brgy. Bambang, Bocaue, Bulacan nga immunan a naireport a nakumpleton babaen ti joint venture ti Topnotch Catalyst Builders Inc. Ken ti Beam Team Developer Specialist Inc.
Inbatad ni Reyes a basar iti report nga inyendorsar ti Commission on Audit (COA), awan ti istruktura a naipasdek iti lugar a nailanad iti Approved Bid Plans.
Innayon na nga iti panaginspeksyon ti Commission on Audit ket awan ti naestablisar a proyekto iti lugar ngem naiparuk-at ti full payment ti kontrata babaen ti DPWH.
Karaman pay a nairekomendar a mapilaan ti kaso ket isuda Henry Alcantara, Brice Ericson Hernandez, Roberto Bernardo, Maria Catalina Cabral, Ken dadduma pay.
Inpetteng ni Reyes a masapol a ti Ombudsman ket agpila ti graft, malversation of public funds, falsification of public documents Ken panaglabsing ti Procurement law kontra kada Alcantara, Hernandez, kasta pay ni Jaime Hernandez, Ernesto Galang, John Carlo Rivera, John Michael Marcos, Claudine Magdalene Magsakay, Ericka Justine Chico Ken ni Allan Payawal.
