LAOAG CITY – Nagballaag ni Transportation Secretary Sean Duffy a makissayan ti 10% iti air travel capacity kadagiti 40 a major airports iti Estados Unidos mangrugi intono bigat no agtultuloy ti panagshutdown ti gobierno.
Daytoy ket gapu ta dagiti air traffic controllers ket makapaspasar ti nakaro a pannakabannog.
Inbatad ti mangidadaulo ti Federal Aviation Administration (FAA) a ni Bryan Bedford a dagiti controllers ket saanda pay a naswelsweldoan iti sumagmamano a bolan ken saan a naipagagangay daytoy a mapaspasamak.
Innayon na a kabayatan ti shutdown a maibilang a kabayagan iti pakasaritaan ti America, dagiti controllers ket nasken nga itultuloy da Latta ti agtrabaho nga Awan ti sweldo da.
