LAOAG CITY – Immapela ti Department of Social Welfare and Development (DSWD) ken National Council on Disability Affairs (NCDA) iti publiko a liklikan da nga usaren ti “disabilities” iti panangaramid kadagiti entertainment content wenno sumabay iti uso iti online.
Ginutigot ti Department of Social Welfare and Development dagiti tattao ken influencers a saan a sumabay iti “Emily Blind Prank” trend no sadinno dagiti netizens, pakairamanan dagiti ubbing, feign para iti potential reward wenno attention.
Segun kenni Assistant Secretary Irene Dumlao, masapol a dagiti users ket agbalin a sensitibo iti panagaramid kadagiti online content.
Inpetteng na a ti panangtlad kadagiti persons with disabilities (PWDs) ket maysa a klase iti saan a panangrespeto ken diskriminasyon iti vulnerable group.
Inbatad na nga iti babaen ti whole-of-society approach, amin a sektor ket agtitinnulong para iti empowerment dagiti persons with disabilities.
Mainaig iti daytoy, ginutigotna pay ti publiko nga ireport ti aniaman a klase ti content wenno insidente nga arig na manguyaw iti persons with disabilities, kas iti “Emily Blind Prank.”
