LAOAG CITY – Agbirbiruk ti Business Process and Licensing Office ti lugar a mabalin a pagpuestoan dagiti peddlers ita a Christmas season.
Segun ken ni Ms. Eva Marie Dumlao, Officer In Charge ti nasao nga opisina, daytoy ket kalpasan nga umad-adu dagiti peddlers nga agkalikagum nga aglako inton bulan ti Disiembre.
Inbatadna nga adu dagiti maobserbasaranda a nagduduma a lugar ti pagpuestoanda a saan met a maiyannatop.
Inlawlawagna a makikoordinar ti opisinada kadagiti kameng ti Philippine National Police tapno agbantay ti nagduduma a paset ditoy sentro ditoy siudad ti Laoag ken makikoordinarda pay kadagiti nagduduma a barangay pakairamanan kadagiti peddlers tapno mapagnunumoan daytoy a banag.
Innayonna a daytoy ti aramiden ti opisinada kas ti inaramidda iti naglabas nga undas no sadinno a nagbalin a naannayas ti panaglako dagiti peddlers.
