LAOAG CITY – Dumanon iti sumurok 2.2 million a family food packs ti naipaayen ti Department of Social Welfare and Development kadagiti lugar a naapektaran kadagiti nagsaruno a Bagyo Tino ken Uwan.
Basar iti Department of Social Welfare and Development, adda ti pakabuklan a 2,216,333 a karton ti family food packs ken 24,455 a ready-to-eat food (RTEF) boxes ti naibunong kadagiti probinsia a nakaro a naapektaran kadagiti nagsaruno a bagyo.
Daytoy ket kas paset ti augmentation request manipud kadagiti lokal a gobierno a nailatang para kadagiti pamilia a naapektaran kadagiti nagduduma a rehion.
Karaman kadagiti rehion a nabenepisiaran ti adu a family food packs ket iti Central Visayas nga addaan ti 445,336 a boxes; Bicol Region, 349,067; Central Luzon, 261,058; Ilocos Region, 257,025 ken Cagayan Valley, 198,683.
