LAOAG CITY – Mangrugin intono bigat, Nobyembre 26 ti Laoag City Athletic Association Meet.
Segun ken ni Mayor James Bryan Alcid, ti nasao nga aktibidad ket pakipartisiparan ti nagduduma a pagadalan ditoy ciudad ti Laoag pakairamanan ti 39 a pampubliko a pagadalan ken 7 a pribado a pagadalan.
Maitampok iti nasao nga aktibidad dagiti nagduduma a paay-ayam.
Inpakaammo ni Mayor Alcid nga ita a tawen ket adda ti maisayangkat a cheer dance competition.
Namnamaen ti mayor nga agbalin a naannayas ken agballigi ti aktibidad.
Maipalagip nga immunan a naisayangkat ti inter school no sadinno a dagiti sports a naglalabanan dagiti atleta ket saanen a maisayangkat iti Laoag City Athletic Association Meet.
