LAOAG CITY – Dumanon iti 160 a ribu ti pakabuklan a nakipaset kadagiti nagsisina a tignay protesta ita a Bonifacio Day.
Basar iti datos ti Philippine National Police (PNP) nga adda ti pakabuklan a 119 a tignay protesta ti naiwayat kadagiti nagduduma a paset ditoy pagilian.
Nairekord idiay Metro Manila ti addaan ti kadakkelan a bilang dagiti protesters a nagatendar nga adda ti sumurok 16 a ribu.
Nagyaman ni Philippine National Police acting chief Lieutenant General Jose Melencio Nartatez Jr. kadagiti organizers, marshals ken dagiti nakipaset gapu iti nagbalin a nakappia a tignay protesta.
Nalappedan pay ti nailian a pulisia dagiti sumagmamano a grupo a nanggandat a mangriribuk iti naannayas a tignay protesta.
