LAOAG CITY – Napaneknekan a naglabsing ni Cavite 4th District Rep. Kiko Barzaga gapu iti disorderly behavior ti House Ethics Committee gapu iti maipagarup a saan a maiyasping a talugading kadagiti sumagmamano a social media posts daytoy.
Inrekomendar ti komite a masuspenso ni Barzaga iti uneg ti 60 nga aldaw nga awan ti maawatna a sueldo wenno benepisio kagiddan ti naiget a ballaag.
Naammoan a kalpasan a nairuar ti rekomendasion, simmango ni Barzaga iti plenario ken kunana a sitatallugod isuna nga awaten ti desision ti komite.
Kunana a nasken a mapagsungbat ni Presidente Ferdinand Marcos Jr. kadagiti mapaspasamak a krimen.
Adda ti 29 a kongresista manipud iti National Unity Party ti nagreklamo kontra ken ni Barzaga.
Immuna iti daytoy, tinalantan iti plenario ti ethics complaint kontra ken ni Barzaga.
