LAOAG CITY – Nakasagana ni US President Donald Trump a mangipublikar ti resulta ti magnetic resonance imaging (MRI) na.
Segun kenni Trump, saan na nga amo no ania a paset ti bagi na ti dimmalan iti scan ngem patien na a ti utek na ti na-scan.
Ti nasao a komento ket kalpasan ti karit kenkuana ni Minnesota Governor Tim Walz a rumbeng nga ipublikar na ti resulta ti MRI results ti US President kalpasan ti panangkiritikar daytoy iti panangiggem na iti Somali community.
Maipalagip nga idi bulan ti Oktubre ket inbutaktak ni Trump a dimmalan daytoy iti MRI iti Walter Reed National Military Medical Center no sadinno basar met iti White House ket tinawen a checkup laeng daytoy.
