LAOAG CITY – Simple laeng ti panagselebrar ti paskua dagiti balud iti Ilocos Norte Provincial Jail.
Daytoy ti inbatad ni Jail warden Edietor Guiang iti Ilocos Norte Provincial Jail.
Segun ken ni Guiang, napagtutulagan da nga adda ti maiwayat a Ginoong Selda 2025 kas paset ti panangselebrar da ti paskua.
Kuna na a ti usaren da iti panagselebrar ti paskua ket nagkokontribusyunan a mismo dagiti balud ken adda pay dagiti nagdonar a dati metlaeng a balud iti nasao a pagbaludan.
Innayon na a ti laeng imbitaran da ket dagiti miembro ti pamilya dagiti balud.
Mainaig iti daytoy, inpakaammo ni Guiang a maiyuswat ti Christmas Program iti Ilocos Norte Provincial Jail intono Disyembre 9, mangrugi iti bigat agmalmalem.
