LAOAG CITY – Naipila ti maysa a resolusyon a manggutgutigot kenni Presidente Ferdinand Marcos Jr. a patgan ti clemency ti Filipina drug convict a ni Mary Jane Veloso, a nailisi manipud iti pannakabitay na idiay Indonesia.
Ti House Resolution No. 583 ket inpila ni Gabriela Party-list Representatives Sarah Jane Elago a mangrekognisar kenni Veloso kas biktima ti human trafficking ken kunana a ti agtuktuloy a pannakainalod na ket mangiyatiddog ti “grave injustice”
Inpetteng na a ti panangipaay ti clemency ket saan a panangbalewala iti linteg no diket makatao nga addang a nalawag a bigbigbigen ti konstitusyon.
Kunana pay nga adda ti bileg ken pangsungsungbatan ni President Marcos Jr. nga ikorehir ti nalawag nha inhustisya.
Ni Veloso, a nakumbiktaran iti Indonesian court gapo iti drug trafficking idi 2010, ket ummunan a nasentensyaan ti dusa a patay.
Naitantan ti death sentence na idi 2015 gapo iti napigsa nga apela manipud kadagiti opisyal ti Pilipinas iti panangidaulo daydi President Benigno Simeon “Noynoy” Aquino III.
Naisubli ni Veloso iti pagilyan idi 2024 kalpasan nga immanamong ni Marcos ken Indonesian President Prabowo Subianto nga iserbi na ti sentensya na iti Pilipinas.
Kabayatan met ti privileged speech ni Elago, dinakamat na ti pannakaipaay ti clemency kenni Veloso.
Inbatad na nga agtultuloy ti panagawagan dagiti tattao pakairamanan dagiti pamilya a maipaayen ti nabayag da a kalkalikagoman.
Maipalagip nga iTi Nobiembre, kiniddaw dagiti nagannak ni Veloso iti Supreme Court a mawayaan gapo ta ti anak da ket naibalod iti Pilipinas nga awan ti legal a nagibasraan na kageddan ti panangipila da ti petition para iti writ of habeas corpus.
Kabaytanna, inbatad met ti Malacañang a mangkitkita ti positibo a development iti apela ti pamilya ni Veloso a maipaayan ti full and absolute clemency.
