LAOAG CITY – Nagpanawagan manen ti pamilia Veloso iti gobierno nga ipaayanen ti clemency ni Mary Jane Veloso.
Inbatad ti ama ni Mary Jane a ni Cesar Veloso a 17 a tawenen a pagsungsungbatan ti anakna ti kaso a saanna met nga inaramid.
Inpettengna a rinibribu a suraten ti inpatulodda ken ni Presidente Ferdinand Marcos Jr. ngem agingga ita ket awan pay ti sungbat ti Presidente.
Ni Mary Jane ket agdua a tawenen a nakabalud ditoy Pilipinas kalpasan a naiyakar daytoy manipud idiay Indonesia.
