LAOAG CITY – Ibilang ti lokal a gobierno iti ili ti Vintar a balligi ti Dur-asen Vintaren Dance Parade and Showdown.
Kalpasan ti makatawen ket nagsublin ti Dance Parade babaen kadagiti agad-adal iti sekondarya iti ili ti Vintar a sinuportaran dagiti Sang. Kabataan officials.
Ditoy a nagpabuya dagiti innem a grupo dagiti pagadalan iti ili da iti sangwanan dagiti ado nga agbuybuya.
Karaman ditoy ti Florentino Camagiun Integrated School, Pallas Integrated School, Vintar National High School ken ti Isic-Isic National High School kasta met iti Vintar Academy.
Ti nadakamat a Dur-asen Vintaren Dance Parade and Showdown ket paset iti Siwawer Festival.
